31-10-2022, 20:26
Münaqişəyə son qoyulmalıdır - Putin
Azərbaycan və Ermənistan arasında münaqişə uzun illərdir davam edir və buna son qoyulmalıdır. Bunu Rusiya Prezidenti Vladimir Putin Ermənistanın baş naziri Nikol Paşinyanla Soçidə keçirdiyi görüşdə deyib. Putin bildirib ki, bütün məsələlərdə razılaşmaq lazımdır. “Əsas odur ki, sülh və inkişafı təmin edək. Kommunikasiyaların açılması Ermənistan üçün sərfəlidir. Ermənistan bizim strateji müttəfiqimizdir. Ümid edirəm ki, üçtərəfli görüş zamanı müəyyən razılaşmalar əldə olunacaq”,- deyə Rusiya lideri vurğulayıb.
31-10-2022, 20:23
Putin Paşinyanla görüşdü - İrəvan Qarabağ təklifini qəbul etdi
Rusiya prezidenti Vladimir Putin Soçidə Ermənistanın baş naziri Nikol Paşinyanla görüşüb. Bu barədə Rusiya mətbuatı məlumat yayıb. Görüşdən sonra liderlərin çıxışlarından sitatlar mətbuatda dərc olunub.“Nə vaxtsa bitirməliyik. Bilirəm ki, bunun üçün sizin siyasi iradəniz var və bunun üçün əsas məqamları üçtərəfli görüşdə müəyyənləşdirmək lazımdır. Əsas odur ki, sülh və inkişafı təmin edək. O cümlədən Ermənistan iqtisadiyyatı, çünki kommunikasiyaların açılması Ermənistan üçün də sərfəlidir. Ermənistan bizim strateji müttəfiqimizdir. Çox ümid edirəm ki, üçtərəfli görüş zamanı müəyyən razılaşmalar əldə olunacaq”,- deyə Putin bildirib. Paşinyan isə bəyan edib ki, Ermənistanla Azərbaycan arasında münasibətlərin qurulması üçün Rusiyanın Qarabağla bağlı təklif etdiyi yanaşma rəsmi İrəvan üçün məqbuldur.
31-10-2022, 20:17
Rusiya olmadan taxıl sazişi mümkünsüzdür - Kreml
Taxıl sazişinin Rusiyanın iştirakı olmadan həyata keçirilməsi mümkünsüz və risklidir. Bu barədə Rusiya Federasiyası Prezidentinin mətbuat katibi Dmitri Peskov məlumat verib. “Rusiyanın bu ərazilərdə naviqasiya təhlükəsizliyinə zəmanət verilməsinin qeyri-mümkünlüyündən danışdığı bir şəraitdə, təbii ki, belə bir sövdələşmə çətin ki, reallaşır, o, fərqli xarakter alır, daha riskli, təhlükəli və təminatsızdır”, - o deyib. Peskovun sözlərinə görə, Rusiya Xarici İşlər Nazirliyi və digər idarələr vasitəsilə Türkiyə və BMT ilə taxıl müqaviləsi ilə bağlı təmaslarını davam etdirir. Eyni zamanda, Peskov taxıl müqaviləsinin mümkün davamı üçün Moskvanın şərtlərini açıqlamayıb.“Mən hələ bu suala cavab verməyə hazır deyiləm, bu, asan deyil”, - Kreml sözçüsü bildirib. Peskov bildirib ki, Rusiya taxıl sazişindən çıxdıqdan sonra ən kasıb ölkələri dəstəkləməyə davam edəcək, konkret tədbirlər hələ işlənməyib.“Fürsətdən istifadə edərək, xatırlatmaq istərdim ki, bu saziş çərçivəsində tədarük olunan taxılın yalnız kiçik bir hissəsi ən kasıb ölkələrin payına düşüb, qalan hər şeyi Avropada olan yoxsul olmayan ölkələr alıb. Biz bunu necə edəcəyik mürəkkəb, çətin sualdır, hələlik biz Rusiya tərəfinin azalan həcmləri öz hesabına kompensasiya etməyə hazır olduğuna zəmanət verə bilərik”, - Peskov izah edib.
31-10-2022, 20:12
Kəlbəcərdə əsir düşdüyü ehtimal edilən qadının qalıqları tapıldı
Oktyabrın 27-də Kəlbəcər rayonu Zallar kəndi ərazisində insan skeletinin hissələrinə məxsus olan eroziyaya uğramış sümük, eləcə də qadına məxsusluğu ehtimal edilən geyim əşyalarının fraqmentlərinin aşkar edilməsi ilə bağlı Kəlbəcər rayon prokurorluğuna məlumat daxil olub. Bu barədə Baş Prokurorluqdan verilən məlumatda bildirilib. Prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə baxış keçirilib, aşkar edilmiş sümük və geyim əşyalarının fraqmentləri müvafiq formada qablaşdırlaraq ekspertiza aparılması məqsədilə götürülüb. Aşkar edilmiş sümük və geyim əşyalarının Kəlbəcər rayonun Ermənistan tərəfindən işğalı zamanı əsir düşərək işgəncə ilə öldürülmüş şəxsə məxsus olması ehtimal edilir. Hazırda araşdırma davam etdirilir.
31-10-2022, 20:10
Ukraynanın enerji obyektləri vurulub - Baş nazir
Rusiyanın Ukraynaya raket hücumları nəticəsində yeddi rayonda yüzlərlə yaşayış məntəqəsi enerjisiz qalıb. Bunu Ukraynanın Baş naziri Denis Şmıxal “Telegram” kanalında bildirib.“10 rayon raket və pilotsuz uçuş aparatları ilə vurulub, burada 18 obyekt zədələnib, onların əksəriyyəti energetika obyektləri olub. Ukraynanın 7 rayonunda yüzlərlə yaşayış məntəqəsi işıqsız qalıb. Nəticələri daha da pis ola bilər. Lakin qəhrəman döyüşçülərin sayəsində itkilərimiz azdır. Səmamızı qoruyan döyüşçülərə təşəkkür edirik. Həmçinin bu dəqiqə Rusiya hücumlarının nəticələrini aradan qaldıran energetiklərə təşəkkür edirik.Təmir qrupları tam gücü ilə işləyir”, - o yazıb. Baş nazirin sözlərinə görə, Kiyev, Dnepropetrovsk, Xarkov, Zaporojye vilayətlərində enerjinin bərpa olunması üçün işlər davam etdirilir. "Bu gün, əvvəlki həftələrdə olduğu kimi, bütün ukraynalıların şüurlu şəkildə enerji istehlak etməsi və şəbəkəyə yükü azaltması vacibdir. Enerjiyə qənaət etməkdə bir olaq və həmrəy olaq!", - hökumət başçısı çağırışında bildirib.
31-10-2022, 20:05
Rusiyanın atdığı raket Moldovaya düşdü
Ukrayna hava hücumundan müdafiə sistemi tərəfindən vurulan Rusiya raketi Moldovanın şimal hissəsinə düşüb. Bu barədə Moldova Daxili İşlər Nazirliyi məlumat yayıb."Bu gün səhər saatlarında Moldova Respublikasının Naslavça şəhərinin şimal hissəsinə düşən raket Ukraynanın zenit sistemi tərəfindən vurulub", - deyə məlumatda qeyd olunub. Zərərçəkənlər barədə məlumat yoxdur, lakin Naslavçada bir neçə evin pəncərələri zədələnib.
31-10-2022, 13:59
Ermənistan gələn il üçün Qarabağa bu qədər pul ayırdı
2023-cü ildə Ermənistan büdcəsindən Qarabağdakı seaparatçı rejimə maliyyə yardımının həcmi dəyişməyəcək və 144 milyard dram (təxminən 355 milyon dollar) təşkil edəcək. Bunu Ermənistanın maliyyə naziri Tiqran Xaçatryan ölkə parlamentində 2023-cü il dövlət büdcəsi layihəsinə dair dinləmələrdə deyib. Onun sözlərinə görə, yardımın həcmi 2022-ci ildə olduğu kimi olacaq. Bu il Qarabağda maliyyə xərclərinin bir hissəsi birdəfəlik (infrastrukturun bərpası və mənzil tikintisi) olub. 2023-cü ildə bu xərclər o qədər də böyük olmayacaq, ona görə də Qarabağa ayrılan yardımlar digər xərclər üçün daha böyük həcmdə istifadə oluna biləcək. Nazir qeyd edib ki, Maliyyə Nazirliyi vaxtaşırı Xankəndidəki rejimlə vəziyyəti müzakirə edir və lazım gəldikdə maliyyə artırılır. Beləliklə, 2022-ci il ərzində dəstək şəklində əlavə olaraq 20 milyard dram ayrılıb. Oxşar qərarlar 2023-cü ildə də verilə bilər.
31-10-2022, 13:54
Ukraynada 23 gürcü döyüşçü həlak olub
Ukraynada müharibə zamanı 23 gürcü əsilli döyüşçü həlak olub. Bu barədə “Georgia News” nəşri məlumat yayıb. Bildirilib ki, sonuncu həlak olan döyüşçü 40 yaşlı Quqa Qaqnidze olub. O, Ukrayna Silahlı Qüvvələrinin 25-ci Hava Desant Briqadasında xidmət edib. Quqa Qaqnidze Baxmut yaxınlığında döyüşlər zamanı ölüb. Onun ölümü ilə bağlı məlumatı sosial şəbəkələrdə gürcü döyüşçüləri yayıb. Qeyd olunub ki, bu günədək 23 gürcü əsilli döyüşçü Ukrayna müharibəsinin qurbanı olub.
31-10-2022, 13:52
Asma körpü uçub, 140 nəfər ölüb
Hindistanın Qucarat ştatında asma körpünün uçması nəticəsində ölənlərin sayı 140 nəfəri keçib. Bu barədə xarici media məlumat yayıb. Bildirilib ki, Divali festivalı qeyd edilərkən yaranmış sıxlıq nəticəsində körpü çöküb. Hadisə zamanı itkin düşənlərin əksəriyyəti uşaqlar və qocalardır. Ölənlərin sayının artacağı istisna edilmir. İndiyədək 177 nəfər xilas edilib, 19 nəfər isə ağır xəsarətlər alıb.
31-10-2022, 13:48
Kiyevə raketlərlə hücum edildi
Oktyabrın 31-i bazar ertəsi səhər saatlarında rus işğalçıları Ukrayna şəhərlərinə raket zərbəsi endiriblər. Bu barədə Nikolaev OVA-nın rəhbəri Vitali Kim məlumat evrib. O qeyd edib ki, bölgə üzərindən şimal və şimal-qərb istiqamətində raketlər keçib. Yarım saat sonra, təxminən saat 08:30 radələrində bölgəyə daha bir qrup raketin uçuşu barədə məlumat daxil olub. Krivoy Roq ROA-nın rəhbəri Aleksandr Vilkul da bu istiqamətdə raketlər qrupunun buraxıldığını açıqlayıb. O, həmçinin səhər saat 9:30 radələrində mümkün növbəti raket zərbələri barədə xəbərdarlıq edib. Daxili işlər nazirinin müşaviri Anton Geraşenko Ukrayna səmasında havada düşmənin 40 raketinin olması barədə məlumatın olduğunu söyləyib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!