14-07-2023, 14:26
Madar Musayev dünyası dəyişdi
Bu gün dünyasını dəyişən deputat Madər Musayevin feysbuk hesabında 4 saat əvvəl paylaşım edilib.
Onun şəxsi hesabında Ulu Öndər Heydər Əliyevin Azərbaycan Kommunist Partiyası Mərkəzi Komitəsinin birinci katibi seçilməsinin 54 illiyi ilə bağlı geniş məqalə dərc olunub.
75 yaşlı deputat bir müddət idi ki, xəstəxanada müalicə olunurdu. Madər Musayevin daxili orqanların çatışmazlığından vəfat etdiyi bildirilir.
Xatırladaq ki, Madər Musayev 26 noyabr 1947-ci ildə Bakı şəhərində anadan olub. XII çağırış Azərbaycan Respublikası Ali Sovetinin, I , II, III, IV, V və VI çağırış Milli Məclisi deputatı seçilib. “Şöhrət” və “Şərəf” ordenləri, 1-ci dərəcəli “Vətənə xidmətə görə” ordeni ilə təltif edilib.
14-07-2023, 14:02
“Vaqner” hüquqi şəsxs kimi mövcud deyil - Peskov
"Özəl hərbi şirkətlərin statusu məsələsinə baxılacaq, lakin hələlik "Vaqner" hüquqi şəxs kimi mövcud deyil və əvvəl də mövcud deyildi . Bu barədə Kremlin sözçüsü Dmitri Peskov məlumat verib.
O, çıxışı zamanı bir çox məsələlərə toxunub: "Putinin BRICS sammitində iştirak formatı hələ müəyyən edilməyib, müzakirələr davam edir. Putinin təqvimində hələ Ərdoğanla telefon danışığı yoxdur, lakin lazım gələrsə, danışıqları təşkil etmək olar. Rusiyanın bütün hava hücumundan müdafiə sistemləri effektiv işləyir. Taxıl müqaviləsinin müddəti başa çatana qədər Rusiya Federasiyası əlavə olaraq gələcək fəaliyyətlərini işləyəcək".
Peskov Macarıstanın baş naziri Viktor Orbanın ABŞ siyasətinin Ukraynadakı münaqişənin uzanmasına kömək etməsinə dair qiymətləndirməsi ilə razılaşdığını bəyan edib.
"Məhz ABŞ Ukraynanı daima son ukraynalıya qədər döyüşməyə həvəsləndirir və Kiyevə yeni silahların verilməsini təşviq edir", - o iddia edib.
14-07-2023, 13:37
Türkiyəli nazir Borellə də görüşdü
Türkiyənin xarici işlər naziri Hakan Fidan Avropa İttifaqının xarici siyasət və təhlükəsizlik məsələləri üzrə ali nümayəndəsi Jozep Borellə görüşüb. Bu barədə Borel tviter səhifəsində paylaşım edib.
"Türkiyənin yeni xarici işlər naziri Hakan Fidanla ilk üzbəüz görüşü gerçəkləşdirdiyimiz üçün xoşbəxtəm. Aİ-Türkiyə əlaqəlaərinə, Aralıq dənizinin şərqindəki vəziyyətə və gərginliyin azaldılmasına ehtiyac duyulduğuna və bur sıra regional və qlobal mövzuya diqqət yetirdik. Birlikdə konstruktiv şəkildə işləməyi səbirsizliklə gözləyirəm", - o qeyd edib.
14-07-2023, 13:09
Sabahın hava proqnozu
Azərbaycanda iyulun 15-nə gözlənilən hava proqnozu açıqlanıb. Milli Hidrometeorologiya Xidmətindən verilən məlumata görə, sabah Bakıda və Abşeron yarımadasında hava yağmursuz olacaq. Şimal-qərb küləyi gündüz şimal-şərq küləyi ilə əvəz olunacaq.
Havanın temperaturu gecə 20-25° isti, gündüz 31-36° isti olacaq. Atmosfer təzyiqi 759 mm civə sütununda 755 mm civə sütununa enəcək. Nisbi rütubət gecə 55-65%, gündüz 35-45% olacaq.
Azərbaycanın rayonlarında hava əsasən yağmursuz keçəcək. Bəzi şimal və qərb rayonlarında arabir yağış yağacağı, şimşək çaxacağı gözlənilir. Mülayim qərb küləyi əsəcək. Gecə və səhər bəzi rayonlarda duman.
Havanın temperaturu gecə 20-25° isti, gündüz 33-38° isti, dağlarda gecə 11-16° isti, gündüz 18-23° isti olacaq.
14-07-2023, 12:58
Hakan Fidan ABŞ-ın dövlət katibi ilə görüşdü
Türkiyənin xarici işlər naziri Hakan Fidan ABŞ dövlət katibi Entoni Blinkenlə görüşüb. Bu barədə Türkiyə mətbuatı məlumat yayıb. Bildirilib ki, görüş zamanı NATO-nun Vilnüs sammitində verilən qərarlar ətrafında fikir mübadiləsi aparılıb. Görüş Cakartada keçirilən ASEAN ölkələrinin toplantısı çərçivəsində başa tutub.
14-07-2023, 12:50
Paşinyan Makronu İrəvana dəvət etdi
Ermənistanın baş naziri Nikol Paşinyan Fransa prezidenti Emmanuel Makronu İrəvana rəsmi səfərə dəvət edib. Paşinyan Bastiliyanın alınması günü ilə bağlı təbrikində bu barədə yazıb.
O, "Qarabağ məsələsinin həlli prosesində göstərdiyi səylərə görə" Fransa liderinə təşəkkür edib.
Paşinyan qeyd edib ki, İrəvan Parisin məsələyə diqqətini xüsusilə yüksək qiymətləndirir.
14-07-2023, 12:36
Taksi operatorlarıyla bağlı tələblər sərtləşdirilir
Taksi operatorlarına qarşı fərdi məlumatların mühafizəsi ilə bağlı tələblər sərtləşdirilir. Bu, Milli Məclisin bu gün keçirilən plenar iclasında III oxunuşda müzakirəyə çıxarılan “Avtomobil nəqliyyatı haqqında” qanunda dəyişiklik layihəsində əksini tapıb.
Belə ki, taksi sifarişi operatorları “Fərdi məlumatlar haqqında” qanunun 15-ci maddəsinin tələblərini nəzərə alıb, fərdi məlumatların informasiya sistemlərini dövlət qeydiyyatdan keçirməli olacaqlar.
Sənəddə deyilir ki, taksi sifarişi operatorları hər bir taksi sifarişi üzrə siyahısı müvafiq icra hakimiyyəti orqanının müəyyən etdiyi (qurum) tərəfindən təsdiq edilən adsızlaşdırılmış məlumatların real vaxt rejimində ötürülməsini təmin etməlidir.
Dəyişiklik layihəsi müzakirələrdən sonra səsverməyə çıxarılaraq III oxunuşda qəbul edilib.
14-07-2023, 12:23
Dərmanların tənzimlənən qiymətdən baha satılması qadağan edildi
Qeydiyyata alınan dərmanların tənzimlənən qiymətlərdən baha satılmasının qadağan olunmasına dair layihə ilk oxunuşdan keçib. Bununla bağlı "Dərman vasitələri haqqında" qanuna dəyişiklik layihəsi parlamentin bu gün keçirilən plenar iclasında III oxunuşda müzakirəyə çıxarılıb.
Belə ki, təklif olunan dəyişikliklə dövlət qeydiyyatına alınan dərman vasitələrinin qiymətləri tənzimlənmədən satışı və ya tənzimlənən qiymətlərdən yuxarı qiymətlərlə satılması qadağan edilir.
Qanunun hazırki bəndi isə belədir: "Dövlət qeydiyyatına alınmış dərman vasitələrinin qiymətləri tənzimlənmədən satışı və ya tənzimlənən qiymətlərdən fərqli qiymətlərlə satılması (dövlət satınalmaları zamanı və ya tibb müəssisələrinə təklif edilən topdansatış qiymətlərdən aşağı qiymətlər istisna olmaqla) qadağandır".
Layihə səsverməyə çıxarılaraq III oxunuşda qəbul edilib.
14-07-2023, 12:15
Taksi fəaliyyəti üçün dövlət rüsumları müəyyənləşdi
Azərbaycanda taksi fəaliyyəti üçün dövlət rüsumları müəyyənləşib. Bu, Milli Məclisin bu gün keçirilən plenar iclasında III oxunuşda müzakirəyə çıxarılan "Dövlət rüsumu haqqında" qanunda dəyişiklik layihəsində əksini tapıb. Belə ki, taksi sifarişi operatoru fəaliyyətinə icazənin verilməsi üçün rüsumun 3 min manat olması təklif edilir.
Bundan başqa, taksi minik avtomobilləri ilə sərnişin daşımalarına buraxılış vəsiqəsinin verilməsi üçün rüsum 125 manat, hər bir nəqliyyat vasitəsi üçün buraxılış kartının verilməsi üçün isə rüsum 25 manat olacaq.
Eyni zamanda Azərbaycanla xarici ölkələr arasında avtomobil nəqliyyatı ilə daşımaları yerinə yetirmək üçün operatorlara beynəlxalq yük və qeyri-muntəzəm sərnişin daşımalarına buraxılış vəsiqəsinin verilməsi üçün 250 manat, hər bir nəqliyyat vasitəsi üçün buraxılış kartının verilməsi üçün isə 75 manat rüsum ödəniləcək. Dəyişiklik layihəsi müzakirələrdən sonra səsverməyə çıxarılaraq III oxunuşda qəbul edilib.
14-07-2023, 11:41
Türkiyənin XİN Başçısı Stoltenberqlə müzakirələr apardı
Türkiyənin xarici işlər naziri Hakan Fidan NATO-nun baş katibi Yens Stoltenberqlə müzakirələr aparıb. Bu barədə Türkiyə XİN məlumat yayıb. O, Stoltenberqlə alyansın Vilnüsdə keçirilən sammitində qəbul edilmiş qərarların icrası prosesini müzakirə edib.
Qeyd edək ki, Fidan İndoneziya prezidenti Coko Vidodo ilə görüşüb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!