14-02-2023, 16:53
Ermənistanın müdaifə naziri hindistanlı həmkarı ilə görüşdü
Ermənistan müdafiə nazirinin müavini Karen Brutyan Hindistanın müdafiə naziri Racnat Sinq ilə görüşüb. Ölkələr arasında müdafiə və hərbi-texniki əməkdaşlığın genişləndirilməsi müzakirə edilib. Görüş Brutyanın işgüzar səfəri çərçivəsində “Aero India 2023” hava sərgisində iştirakı çərçivəsində baş tutub. Qeyd edək ki, bu gün həm də Ermənistanın XİN başçısı Ararat Mirzoyanla Hindistanın İrəvandakı fövqəladə və səlahiyyətli səfiri arasında görüş olub. Nazir Hindistanla əlaqələrin dinamik inkişafından məmnunluğunu ifadə edib. O, diplomatik fəaliyyətini başa vurmaqda olan səfir Kişan Dan Deval ilə ikitərəfli əlaqələri müzakirə edib. Həmçinin əməkdaşlığın daha da möhkəmləndirilməsi və regional təhlükəsizliyin təmin edilməsindən danışılıb.
14-02-2023, 15:50
Tələbələrimizin yaşadığı binadan tanınmaz halda olan cəsəd tapıldı
Türkiyə Prezidenti yanında Təhlükəsizlik və Xarici Siyasət Şurasının üzvü, azərbaycanlı professor Aygün Attar zəlzələ nəticəsində dağılan binaların qalıqları altında qalan tələbələrdən birinin - Gündüz Nəzərzadənin mənzilindən çıxan əşyaların fotosunu paylaşıb. Bu barədə o, "Twitter" səhifəsində paylaşım edib. Attar qeyd edib ki, Türkiyədə azərbaycanlı tələbələrin yaşadığı binadan daha bir meyit tapılıb. O, meyitin tanınmaz halda olduğunu və meyitin kimliyi ilə bağlı diaqnozun prokurorluğun nəzarəti altında aparılacağını söyləyib. Xatırladaq ki, Malatya İnönü Universitetində təhsil alan azərbaycanlı tələbələr Samir Quliyev, Şahin Verdiyev, Hümam İsmayıllı və Gündüz Nəzərzadə fevralın 6-da baş verən zəlzələdən sonra itkin düşüblər.
14-02-2023, 15:46
Azərbaycandan
zəlzələ bölgəmizə 5624 çadır göndərilib - Cahit Bağçı
Son məlumatlara görə, bugünədək Azərbaycandan zəlzələ bölgəsinə 5624 çadır göndərilib. Bunu Türkiyənin Azərbaycandakı səfiri Cahit Bağçı bildirib. Onun sözlərinə görə, Azərbaycanın yardımları TIR-lar və təyyarələr vasitəsilə Türkiyəyə göndərilib: "Eyni zamanda, 401 ton tibbi ləvazimat, 1200-dən çox genarator göndərilib".
14-02-2023, 15:41
Cənubi Koreya parlamentindən Türkiyə və Suriyaya dəstək
Cənubi Koreya parlamentinin millət vəkilləri maaşlarının üç faizini Türkiyə və Suriyada zəlzələdən zərər çəkənlərə bağışlayacaq. Bu barədə "Yonhap" agentliyi məlumat yayıb. Təbii fəlakət qurbanlarına dəstək tədbirlərini ehtiva edən qətnamə parlamentdəki 229 deputatdan 228-i tərəfindən təsdiqlənib. Bir deputat isə səsvermədə bitərəf qalıb. Qərar həmçinin Türkiyə və Suriyada axtarış-xilasetmə və yenidənqurma işlərinin dəstəklənməsini, zəlzələ bölgəsində koreyalı mühacir, tələbələr və turistlər üçün təhlükəsizlik tədbirlərinin görülməsini nəzərdə tutur. Cənubi Koreya Prezidenti Yun Suk Yeol Türkiyəyə yardım üçün bütün mövcud resursları səfərbər etməyi tapşırıb.
14-02-2023, 15:36
Sabahın hava proqnozu
Bakıda və Abşeron yarımadasında fevralın 14-ü günün ikinci yarısından 16-sı səhərədək tez-tez cənub küləyinin şimal küləyi ilə əvəz olunacağı, 15-20 m/s, arabir 23 m/s-dək güclənəcəyi gözlənilir. Bu barədə Milli Hidrometeorologiya Xidmətindən məlumat verilib. Bildirilib ki, Azərbaycanın rayonlarında fevralın 14-ü gündüzdən 16-sı səhərədək əsasən dağlıq və dağətəyi rayonlarda qərb küləyinin arabir 20-25 m/s-dək güclənəcəyi gözlənilir.
14-02-2023, 14:46
İsraillə əlaqələrimizin qarşılıqlı inkişafına səy göstəririk - Çavuşoğlu
"Bu gün Türkiyəyə göstərdiyi dəstəyə görə İsrailə təşəkkürümüzü bildiririk". Bunu Türkiyənin xarici işlər naziri Mövlud Çavuşoğlu Ankarada İsrail XİN rəhbəri Eli Kohenlə birgə mətbuat konfransında deyib. "İlk dəfədir ki, İsrail XİN başçısı Eli Kohenlə üz-üzə görüşürəm. İki dəfə telefonla danışmışıq. Qeyd edim ki, İsraildə yeni hökümət qurulandan sonra əlaqələrin möhkəmlənəcəyinə əmin olmuşuq. Bundan sonra yeni səhifənin açılmasına ümid edirik. Hər iki ölkənin səfirləri əlaqələrin inkişafı üçün səy göstərirlər, bu təqdirəlayiqdir", - deyə XİN başçısı vurğulayıb.
14-02-2023, 14:43
Türkiyəyə ilk yardım göstərənlərdən biri İsraildir - Çavuşoğlu
"Türkiyəyə zəlzələ zamanı ilk dəstək verən ölkələrdən biri İsrail idi, buna görə onlara təşəkkür edirik". Bunu Türkiyənin xarici işlər naziri Mövlud Çavuşoğlu Ankarada İsrail XİN rəhbəri Eli Kohenlə birgə mətbuat konfransında deyib. "İsrail tərəfi sadəcə zənglə kifayətlənmədi, bizə hərtərəfli yardım etdilər. İsrail-Fələstin münaqişəsinə bundan sonra diqqət yetirmək lazımdır. Bu məqamda həll prinsipinə xələl gətirəcək addımlardan çəkinmək lazımdır. Hər iki ölkənin səfirləri əlaqələrin inkişafı üçün səy göstərirlər",- deyə türkiyəli nazir bildirib.
14-02-2023, 14:19
Rusiyadan Moldovaya çağırış dolu mesaj
"Kişinyovun Rusiyanın Moldovada vəziyyəti destabilizasiya etmək planı ilə bağlı bəyanatları əsassızdır". Bu, Rusiya XİN-in Moldova prezidenti Maya Sandunun dünənki açıqlamasına cavabında bildirilib. "Kiyev Kişinyovu Rusiya Federasiyası ilə şiddətli qarşıdurmaya cəlb etməyi hədəfləyir. Moskva Moldova hakimiyyətini dövlət müdrikliyi göstərməyə, kənardan gələn təxribatlara uymamağa çağırır", - deyə məlumatda vurğulanıb. Rusiya XİN-in açıqlamasında ABŞ-ın Suriyadakı zəlzələ ilə bağlı addımlarına da münasibət bildirilib. "Qərb Suriyadakı zəlzələdən zərər çəkmiş insanların ehtiyacları barədə spekulyasiya edir, sərhədyanı yardım mexanizmini genişləndirmək üçün BMT Təhlükəsizlik Şurasına müraciət edir", - deyə qeyd olunub.
14-02-2023, 14:15
Dağıntılar altından külli miqdarda pul aşkarlandı
Türkiyəyə göndərilmiş rusiyalı xilasedicilər dağıntılar altından külli miqdarda pul aşkarlayıblar. Bu barədə Rusiya Fövqəladə Hallar Nazirliyinin “Telegram” hesabında məlumat paylaşılıb. “Türkiyəyə göndərilən axtarış-xilasetmə əməkdaşlarımız yaşayış binasının dağıntılarını təmizləyərkən külli miqdarda pul tapıblar”, - deyə məlumatda bildirilib. Qeyd olunub ki, daha bir dağıntı qatını açan zaman içərisində yüz dollarlıq əskinaslarla dolu qazan aşkarlanıb. Qazanda olan pulun məbləğinin 150 min dollar olduğu müəyyən edilib. Həmin vəsait polis əməkdaşlarına təhvil verilib. Qeyd edək ki, fevralın 6-da Türkiyənin cənub-şərqində baş verən zəlzələlər nəticəsində 31 643 nəfər həlak olub, 80 mindən çox insan zərər çəkib.
14-02-2023, 14:09
Xilasedicilərimiz 51 nəfərin həyatını qurtarıb
Azərbaycan xilasediciləri Türkiyədə dağıntılar altından 51 nəfəri sağ, 655 nəfərin cəsədini çıxarıb. Bu barədə Fövqəladə Hallar Nazirliyindən (FHN) məlumat verilib. Qeyd olunub ki, Prezident İlham Əliyevin tapşırığına əsasən Türkiyədə olan FHN-in çevik xilasetmə qüvvələri qardaş ölkədə baş vermiş güclü zəlzələnin fəsadlarının aradan qaldırılması və axtarış-xilasetmə əməliyyatlarını fasiləsiz davam etdirirlər. Nazirliyin xilasediciləri zəlzələdən ciddi zərər görmüş Kahramanmaraş rayonu ərazisində həyata keçirdikləri axtarış-xilasetmə əməliyyatları nəticəsində dağıntılar altından 51 nəfəri sağ, 655 nəfərin isə cəsədini çıxararaq aidiyyəti üzrə təhvil veriblər. Axtarış-xilasetmə əməliyyatları xüsusi texniki vasitələr, habelə xilasetmə itlərinin tətbiq edilməsi ilə davam etdirilir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!