Xəbərlərin siyahısı: İyul 2023 illər » Səhifə 71

3-07-2023, 17:24

Qəbul imtahanlarında 0-100 bal toplayanların faiz göstəriciləri açıqlandı

2022-ci ildə Azərbaycanın təhsil müəssisələrinə I-IV ixtisas qrupları üzrə keçirilən qəbul imtahanlarında 73 min 429 abituriyent iştirak edib.
Bu barədə "Abituriyent" jurnalının 12-ci nömrəsində məlumat yer alıb. Bildirilib ki, onların 16.12%-i 0-100, 26.67%-i 100-200, 21.96%-i 200-300, 25.61%-i 300-500, 9.64%-i isə 500-700 bal toplayıb. Abituriyentlərdən 2077 nəfər 600 və daha çox bal toplayıb. Yüksək bal toplayanlar respublikanın, demək olar, bütün şəhər və rayonlarını, o cümlədən bəzi kənd məktəblərini təmsil edirlər. Yüksək nəticə göstərənlər I qrupda 1081, II qrupda 142, III qrupda 344, IV qrupda 510 nəfərdir.

Qəbul imtahanlarında 0-100 bal toplayanların faiz göstəriciləri açıqlandı

3-07-2023, 17:06

Türkiyədə hökumət toplantısına start verildi

Türkiyədə hökumət kabinəsinin toplantısına start verilib. Bu barədə "TRT Haber" məlumat yayıb. Bildirilib ki, toplantıya Türkiyə prezidenti Rəcəb Tayyib Ərdoğan sədrlik edir. Məmur və pensiyaçıların gəlirlərinin artırılması, İsveçdə Quranın yandırılması, Fransadakı etirazlar iclasda müzakirə olunacaq məsələlərin siyahısına daxil edilib.

Türkiyədə hökumət toplantısına start verildi

3-07-2023, 16:28

İrəvanda Ermənistan-Hindistan siyasi məsləhətləşmələri həyata keçirildi

Ermənistanın paytaxtı İrəvanda Ermənistan-Hindistan siyasi məsləhətləşmələri həyata keçirilib. Məsləhətləşmələrdə iştirak etmək üçün Hindistan XİN rəsmilərindən ibarət nümayəndə heyəti İrəvana səfər edib. Görüşdə beynəlxalq və regional təhlükəsizlik, əməkdaşlığın genişləndirilməsi, o cümlədən iqtisadi, kommunikasiyalar məsələsi müzakirə olunub.

İrəvanda Ermənistan-Hindistan siyasi məsləhətləşmələri həyata keçirildi

3-07-2023, 16:11

Sakaaşvilinin dəhşətə gətirən görüntüləri yayıldı

Gürcüstanın eks-prezidenti Mixail Saakaşvilinin dəhşətli görüntüləri yayılıb. Fotolardan onun kəskin şəkildə çəki itirdiyi görünür. Şəkilləri onun köməkçisi Darina Çij dərc edib və Saakaşvilinin bu gün məhkəmə iclasında distant qaydada iştirak etdiyini bildirib.
Qeyd edək ki, Saakaşvili Ukraynadan Gürcüstüna qayıtdığı 2021-ci ilin oktyabr ayından bəri həbsdədir. O, dəfələrlə aclıq aksiyası keçirib. Səhhətində ağır problemlər yaranan eks-prezident bir müddət əvvəl müalicə müəssisəsinə köçürülüb.

Sakaaşvilinin dəhşətə gətirən görüntüləri yayıldı

3-07-2023, 15:35

Ukraynanı Krımsız təsəvvür edə bilmərik - Zelenski

Biz Ukraynanı Krımsız təsəvvür edə bilmərik. Nə qədər ki, Krım Rusiya tərəfindən işğal olunub, bu, müharibənin hələ bitmədiyi deməkdir. Bunu “CNN”ə müsahibəsində Ukrayna prezidenti Volodimir Zelenski deyib. O, müsahibə zamanı Krım qaytarılmadan Rusiya ilə Ukrayna arasında sülhün əldə olunmasının mümkünlüyündən söz açıb. “Belə olan halda bu, qələbə olmayacaq”, - deyə Zelenski vurğulayıb. O, qeyd edib ki, Ukrayna Krımsız təsəvvür oluna bilməz. Prezident dolayı yolla diqqətə çatdırıb ki, Krım işğaldan azad olunana qədər müharibə davam edəcək.

Ukraynanı Krımsız təsəvvür edə bilmərik - Zelenski

3-07-2023, 13:47

Paşinyan Belarusiya prezidentini təbrik etdi

Ermənistanın baş naziri Nikol Paşinyan Belarusun Müstəqillik Günü münasibətilə ölkə prezidenti Aleksandr Lukaşenkoya təbrik göndərib. Bu barədə Nazirlər Kabineti məlumat yayıb. "İki ölkənin əməkdaşlığı dərinləşdirmək üçün əlaqələndirilmiş səyləri qarşılıqlı maraqlara uyğundur", - deyə Ermənistanın baş naziri mesajında qeyd edib.

Paşinyan Belarusiya prezidentini təbrik etdi

3-07-2023, 13:31

Moldovada milli matəm elan olundu

İyulun 4-ü Moldovada milli matəm elan olunub. Bu barədə ölkə prezidenti Maya Sandu sərəncam imzalayıb. Bildirilib ki, Kişinyov Beynəlxalq Hava Limanında həlak olanların xatirəsini yad etmək üçün iyulun 4-ü ölkədə milli matəm günü elan edilib. Sabah ölkənin bütün ərazilərində, eləcə də Moldova Respublikasının xaricdəki diplomatik və konsulluq nümayəndəliklərində dövlət bayraqları yarıya qədər endiriləcək. Saat 12:00-da həlak olanların xatirəsi bir dəqiqəlik sükutla yad ediləcək.
Xatırladaq ki, iyunun 30-da Moldovanın paytaxtı Kişinyovdakı aeroportda atışma olub. Türkiyədən Moldovaya gəldiyi təxminən olunan şəxs odlu silahdan atəş açaraq 2 nəfəri qətlə yetirib.

Moldovada milli matəm elan olundu

3-07-2023, 13:14

Ermənilər Ağdam istiqamətindəki mövqelərimizi atəşə tutdu

İyulun 3-ü saat 10:40-dan saat 11:40-dək Rusiya sülhməramlılarının müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin üzvləri Ordumuzun Ağdam rayonu istiqamətində yerləşən mövqelərini atıcı silahlardan bir neçə dəfə atəşə tutub. Bu barədə Müdafiə Nazirliyindən məlumat verilib. Bildirilib ki, Azərbaycan Ordusunun bölmələri tərəfindən qeyd olunan istiqamətdə adekvat cavab tədbirləri görülüb. Bundan başqa, qeyri-qanuni erməni silahlı dəstələrinin üzvləri Azərbaycan Ordusunun Ağdam rayonu istiqamətində yerləşən mövqelərinin qarşısında uzunmüddətli fortifikasiya qurğularını quraşdırmağa cəhd göstəriblər. Bölmələrimiz tərəfindən görülən təxirəsalınmaz tədbirlər nəticəsində aparılan işlər dərhal dayandırılıb.

Ermənilər Ağdam istiqamətindəki mövqelərimizi atəşə tutdu

3-07-2023, 13:02

Sabahın havası

Azərbaycanda iyulun 4-nə gözlənilən hava proqnozu açıqlanıb. Ekologiya və Təbii Sərvətlər Nazirliyinin Milli Hidrometeorologiya Xidmətindən verilən məlumata görə, Bakıda və Abşeron yarımadasında havanın yağmursuz olacağı gözlənilir, şimal küləyi əsəcək. Havanın temperaturu gecə 19-24° isti, gündüz 30-35° isti olacaq. Atmosfer təzyiqi 760 millimetr civə sütunundan 755 millimetr civə sütununa enəcək. Nisbi rütubət gecə 65-75 faiz, gündüz 35-45 faiz olacaq. Abşeron çimərliklərində gözlənilən hava şəraiti: şimal küləyi əsəcək, dəniz suyunun temperaturu: şimal çimərliklərində (Sumqayıt, Novxanı, Pirşağı, Nardaran, Bilgəh, Zağulba) 22-23° isti, cənub çimərliklərində: (Türkan, Hövsan, Sahil, Şıx) 24-25° isti olacaq. Azərbaycanın rayonlarında hava əsasən yağmursuz olacaq. Lakin gündüz bəzi dağlıq ərazilərdə qısamüddətli yağış yağacağı, şimşək çaxacağı, dolu düşəcəyi ehtimalı var. Gecə və səhər bəzi rayonlarda duman olacaq, mülayim şərq küləyi əsəcək. Havanın temperaturu gecə 17-22° isti, gündüz 31-36° isti, dağlarda gecə 10-15° isti, gündüz 17-22° isti olacaq.

Sabahın havası

3-07-2023, 12:25

MEDİA bu qəzet və saytlara maliyyə dəstəyi ayırdı

Azərbaycan Respublikasının Medianın İnkişafı Agentliyi tərəfindən onlayn media subyektlərinə (veb-saytlara) dəstək layihəsi çərçivəsində elan edilmiş müsabiqənin nəticələri açıqlanıb. Bu barədə MEDİA-dan məlumat verilib. Eyni zamanda, Medianın İnkişafı Agentliyi tərəfindən çap mediası subyektlərinə dəstək layihəsi çərçivəsində elan edilmiş müsabiqənin nəticələri də açıqlanıb.