Dərin baxışlar ardında səni qoyub, gedirəm. Bir durna qatarına qoşulub, azad asimanda qanaq çalıram. Sən məndən daha vəfali, daha etibarlısan. Çünki sən məndə də azadsan. Azadlığın hər zərrəsini cismindən duyub, yaşamaq kimi gözəl hiss varmı? Nə arzularla yaşadın? Nə də ki, xəyallarla? Gerçəkliyi axtardın. Atdığın addımları yüz ölçüb bir bilçdin. Mənsə, həyata yenicə addım atmış körpə kimi büdrəyib, yıxıldım. Dizlərim qanadı. Amma heç bir zaman azadlıq duyğusundan vazkeçmədim. Sən ətraf üçün məsləhətlər qəbul edər kən, mən azadlıq üçün yol axtarırdım. Əslinə baxsan sən məndən bir addım irəlidə idin. Amma mən sənə yad və ögey idim. Qəribə xaraktere malik iki yad insan idik. Mən günəşidim. Sən isə ay. Nə qovuşa bildik?! Nə də ki, birləşə?! Mən azadlığı seçdim, sən isə....

Sənin seçim imkanın olmadı axı?! Həyatı sənə kimlərsə seçib, yol göstərdilər. Mən kənardan aciz görünərkən, sən hər kəsin gözündə güclü və qüdrətli idin. Addım atmaq üçün icazə almırdım, sən isə məsləhətlərlə dolu gen bir don geyinmiş kimi ətrafda rahat gəzirdin. Mən asiman ardını düşünərkən, sən isə buranı və sabahı düşünürdün. Düşünməki, səni qınayıram?!. Əsla,buna haqqım çatmaz. Yalnış vaxta rast gəldik. Azadlığımı tapıb, qayıdacam. Bilmirəm, bügun ya sabah. Bilki harada olsam da, çağır məni. Azadlıq! Azadlıq! Səslə. Bu mənə bəs edər. Mən sənə yaxın birisi. Ruhundan keçən hər sözü, cümləni anlaram. Mən səninləyəm. Bütün sadaladığın bu sözləri daxilində gizlətdiyin ruhun sənə söyləyir. Qorxma! Əslində mən sənin daxilində sənin qəlbində, gizlənmiş azad ruhunam. Bu nəfəs sənlə başladı. Və sənlədə bitəcək. Yalnız bir səs səni azadlığa sürükləyəcək. Hür ol! Maneələrdən qorxma! Mən işıqlı sabahların talismanı, doğan günün şəfəqiyəm. Can yoldaşı kimi sarıl mənə. Mən, "Azadlıq carçısıyam" gizlətmə, bağır! Bütün mənəviyyatınla qaranlıq dünyanın məhbusu olmadan, səslə məni. Durna qatarına qoşul o səni istədiyin asimana çatdıracaq. Yetər ki, sən bunu istə....



Günel Ağayeva