Xəbərlərin siyahısı: Fevral 2023 illər » Səhifə 7

26-02-2023, 23:33

Rusiya sülhməramlıları 49 əcnəbini Qarabağdan Ermənisatana aparıb

Rusiya sülhməramlıları 49 əcnəbi vətəndaşı Qarabağ ərazisindən Ermənistana aparıb. Bu barədə Rusiya Müdafiə Nazirliyi məlumat yayıb. Qeyd olunub ki, Azərbaycan ərazilərində müvəqqəti yerləşdirilmiş Rusiya sülhməramlıları əcnəbi vətəndaşların maneəsiz şəkildə Qarabağdan Ermənistana keçidini təmin ediblər.

Rusiya sülhməramlıları 49 əcnəbini Qarabağdan Ermənisatana aparıb

26-02-2023, 23:30

Səudiyyə Ərəbistanından Ukraynaya 400 milyon dollarlıq dəstək

Səudiyyə Ərəbistanı Ukraynaya 400 milyon dollarlıq yardım göstərəcək. Səudiyyənin xarici işlər naziri Faysal bin Fərhan Əl Səudun Ukraynaya səfəri çərçivəsində iki sənəd imzalanıb. Sənədlərdən biri 100 milyon dollarlıq humanitar yardımı ehtiva edir. Digər müqavilə 300 milyon dollarlıq neft məhsullarına aiddir.

Səudiyyə Ərəbistanından Ukraynaya 400 milyon dollarlıq dəstək

26-02-2023, 23:25

Çin Rusiyaya silah göndərməyi planlayır - ABŞ kəşfiyyatı

ABŞ əmindir ki, Çin Rusiyaya silah göndərməyi düşünür, lakin kəşfiyyat məlumatları Pekinin hələ yekun qərar vermədiyini göstərir. Bunu Mərkəzi Kəşfiyyat İdarəsinin direktoru Uilyam Börns "CBS News"a bildirib. "Biz öldürücü silahların faktiki çatdırılmasına dair sübut görmürük", - deyə Börns qeyd edib. Xatırladaq ki, bundan əvvəl CNN Çin hökumətinin Rusiyaya silah göndərmək istəməsi barədə məlumat yayıb.

Çin Rusiyaya silah göndərməyi planlayır - ABŞ kəşfiyyatı

26-02-2023, 23:21

Bolqarıstan Ukrayna üçün Sovet mərmiləri istehsal edəcək

Bolqarıstan Ukrayna Silahlı Qüvvələri üçün Sovet mərmilərinin istehsalını bərpa edəcək. Bu barədə "The New York Times" qəzeti məlumat yayıb. Bildirilir ki, 35 illik fasilədən sonra Bolqarıstanın Kostenets şəhərində mərmi istehsalı zavodu işə başlayacaq. Zavod sırf Ukrayna Silahlı Qüvvələri üçün 122 mm-lik mərmi istehsal edəcək.

Bolqarıstan Ukrayna üçün Sovet mərmiləri istehsal edəcək

26-02-2023, 23:19

Türkiyədə zəlzələ qurbanlarının sayı artıb

Türkiyədə zəlzələ nəticəsində həlak olanların sayı 44 374 nəfərə çatıb. Bu barədə ölkənin Fövqəladə Halların İdarə Olunması Agentliyinin (AFAD) rəhbəri Yunus Sezer bildirib. Xatırladaq ki, fevralın 6-da Türkiyənin Kahramanmaraş vilayətinin Pazarcık rayonunda 7,7 bal, Elbistan rayonunda 7,6 bal gücündə iki zəlzələ baş verib. Dərinliyi 7 kilometr olan zəlzələ 10 vilayətdə ciddi dağıntılara səbəb olub. Zəlzələdən zərər çəkmiş 10 vilayətdə üç ay müddətinə fövqəladə vəziyyət rejimi elan olunub. Daha sonra Hatayda 6.4 ballıq növbəti zəlzələ qeydə alınıb.

Türkiyədə zəlzələ qurbanlarının sayı artıb

26-02-2023, 16:36

Selçuk Bayraktar Xocalı soyqırımıyla bağlı paylaşım edib

"Baykar" şirkətinin rəhbəri Selçuk Bayraktar Xocalı soyqırımının ildönümü ilə bağlı paylaşım edib. O, twitter səhifəsində bu barədə yazıb. "Dünya 31 il öncə bu gün bəşəriyyət adına utanc verən bir qətlimata şahid və izləyici oldu. Biz qardaşlarımızın uğradığı Xocalı qətliamını unutmayacağıq. Şəhid edilən qardaşlarımızı rəhmətlə anıram", - deyə Bayraktar qeyd edib.

Selçuk Bayraktar Xocalı soyqırımıyla bağlı paylaşım edib

26-02-2023, 16:34

Putin türkiyəli həmkarına zəng etdi

Rusiya prezidenti Vladimir Putin və türkiyəli həmkarı Rəcəb Tayyib Ərdoğan arasında telefon danışığı olub. Bu barədə Kreml məlumat yayıb. Bildirilib ki, Putin Ərdoğanı doğum günü münasibətilə təbrik edib. Həmçinin vurğulanıb ki, söhbət zamanı tərəflər qarşılıqlı maraq doğuran bir sıra məsələlər ətrafında fikir mübadiləsi aparıblar.

Putin türkiyəli həmkarına zəng etdi

26-02-2023, 16:30

Akar azərbaycanlı həkimlərə təşəkkür etdi

Türkiyənin milli müdafiə naziri Hulusi Akar zəlzələ bölgəsində fəaliyyət göstərən azərbaycanlı hərbi həkimlərlə görüşüb. Kahramanmaraşda səfərdə olan nazir azərbaycanlı həkimlərə təşəkkür edib. "İkinci Qarabağ müharibəsində birlikdə olduğumuz kimi, indi də mübarizəmizə birgə davam edirik. Yaşasın, Azərbaycan-Türkiyə qardaşlığı. Çox sağ olun", - deyə Akar bildirib.

Akar azərbaycanlı həkimlərə təşəkkür etdi

26-02-2023, 16:27

Sabahın hava proqnozu

Azərbaycanda fevralın 27-nə gözlənilən hava proqnozu açıqlanıb. Milli Hidrometeorologiya Xidmətindən verilən məlumata görə, sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Səhər və axşam bəzi yerlərdə duman olacaq. Cənub küləyi əsəcək. Havanın temperaturu gecə 3-6° isti, gündüz 8-12° isti olacaq. Atmosfer təzyiqi 770 mm civə sütunu olacaq. Nisbi rütubət 65-75 % olacaq. Azərbaycanın rayonlarında əsasən yağmursuz hava olacaq. Bəzi yerlərdə arabir duman olacaq. Mülayim qərb küləyi əsəcək. Havanın temperaturu gecə 1° şaxtadan 4°-dək isti, gündüz 13-18° isti, dağlarda gecə 8-13° şaxta, gündüz 0-5° isti olacaq.

Sabahın hava proqnozu

26-02-2023, 16:25

Ermənistanın iddiaları istədiyi kimi nəticələnmədi - XİN başçısı

"Ermənistana danışıqlar təklif olunan zaman onlar konstruktiv danışıqlardan əsassız şəkildə yayınır". Bunu jurnalistlərə açıqlamasında Azərbaycanın xarici işlər naziri Ceyhun Bayramov bildirib. Nazir vurğulayıb ki, Ermənistan sülh prosesi üzrə danışıqların mahiyyətinə ciddi zərbə vurur: "Biz demək olarsa, bu sahədə onlayn diplomatiyaya keçmişik. Şərtlər bir-birimizə ötürülür. Bunun nə qədər effektiv olacağını zaman göstərəcək". C.Bayramovun sözlərinə görə, Azərbaycan kostruktiv tərəf olaraq bu istiqamətdən də imtina etmir: “Ermənistanın Azərbaycana qarşı Beynəlxalq Ədalət Məhkəməsində irəli sürdüyü hər üç iddiası da Ermənistanın istədiyi kimi nəticələnmədi”. XİN başçısı əlavə edib ki, Azərbaycanın Ermənistana, Ermənistanın da Azərbaycana qarşı Beynəlxalq Ədalət Məhkəməsində baxılan işi var: "Həmin işə baxılması kifayət qədər uzun və mürəkkəb prosesdir. Müvəqqəti icra tədbirləri kimi tərəflər bir-birinə müəyyən iddia ilə çıxış edirlər. Ermənistan tərəfindən Azərbaycana qarşı 3 tələb irəli sürülüb. Buna görə Azərbaycana qarşı qərarlar çıxarılmasını istəyirlər”.

Ermənistanın iddiaları istədiyi kimi nəticələnmədi - XİN başçısı